El mga autoridad ya aresta dos personas y ya confisca valor de P130,000 smuggled gasolina na un operacion de aplicacion de ley na provincia del Tawi-Tawi, asegun con el policia del Martes.
El Regional Maritime Unit-Bangsamoro Autonomous Region (RMU-BAR) nohay mas nombra con el dos arestao personas con quien ya aresta durante un patrulla maritima mga alas 2:35 del Sabado denoche na mar del Tugala, Sitangkai, Tawi-Tawi.
Asegun con el RMU-BAR, ta conduci patrulla maritima mga personajes del Tawi-Tawi Maritime Police Station (Tawi-Tawi MARPSTA) cuando ya columbra sila con un banca de motor con dos personas muntao ta transporta mga galon de gasolina.
Asegun con el RMU-BAR, con el dos personas ya aresta despues que ya falla sila presenta documentos del de ila cargamento.
Asegun con el RMU-BAR, el mga personajes del Tawi-Tawi MARPSTA ya confisca 2,000 litros de gasolina que tiene el valor de P130,000.
Asegun con el RMU-BAR, con el dos arestao personas y el confiscao gasolina ya pone bajo’l custodia del Sitangkai Maritime Law Enforcement Team para el documentacion y disposicion. (B. Garcia)