Sincuenta luces de calle de energia solar el ya instola adentro na Campo Bautista que ta servi como el quartel del 11th Infantry “Alakdan” Division (ID) na Barangay Busbus, Jolo, Sulu.
El instolacion ta servi como producto del colaboracion del Bangsamoro Transition Authority (BTA), y Alakdan Division en asociacion con el Ministro de Trabajos Publicos del region autonomo.
Asegun con el Abogao Nabil Tan, el deputy speaker del BTA, el proyecto parte del fondo del Transitional Development Impact Fund del BTA.
Cada uno del luces de calle de energia solar que ya instola na Campo Bautista ta costa P40,000.
Mientras tanto, si Major General Ignatius Patrimonio, el comandante del 11ID, ya expresa su sincero apreciacion to el oficina del Abogao Tan por el de ila generoso donacion y inquebrantable suporta y na adelantada de paz y desarollo na provincia de Sulu.
Asegun con Patrimonio, el continuado advocacia de oficina de Tan es un testamento del de ila dedication para crea positivo cambio na comunidad.
El proyecto beneficioso para con todo tropas del 11ID cay el mga luces ay ilumina con todo’l calle adentro del Campo Bautista.
(B. Garcia, photo courtesy of 11th Infantry Division)