Cinco aplicantes el contratado en el acto, o hired-in-the-spot, durante el feria de empleo na ciudad de Zamboanga, asegun con el oficina de informacion publico, o PIO, del gobierno local del Viernes.
Asegun con el PIO del ciudad, con el cinco aplicantes ya contrara en el acto despues que ya esta sila bajo el entrevista y evaluacion durante el feria de empleo.
El feria de empleo ya conduci del Jueves na KCC Mall de Zamboanga como parte del celebracion del mes de las mujeres.
Asegun con el PIO del ciudad, con el feria de empleo ya participa el 18 empleadores—14 local y cuatro exterior, ofreciendo total de 7,304 vacantes de empleo.
El feria de empleo ya organiza el gobierno del ciudad de Zamboanga por medio del Oficina del Servicio Publico de Empleo y Genero y Desarollo, con el objetivo promova igual oportunidades de empleo, avance economico, y inclusion de genero en el fuerza de obreros.
El conducida de feria de empleo es en esfuerzo de coordinacion con el Departamento de Trabajo y Empleo, Deparatamento de Trabajadores Migrantes, Servicios de Desarollo Economico Local y Promocion de Inversiones, Consejo Local de Mujeres de Zamboanga, Wellspring Philanthropic Fund, Free to be Me y KCC Mall de Zamboanga. (B. Garcia)