Sinco barangays del ciudad de Zamboanga son pasadores nacionales del Seal of Good Local Governance for Barangays (SGLGB), siguiendo el rigoroso proceso de seleccion ya conduci el Departamento del Interior y Gobierno Local, o DILG.
El anuncio del lista de pasadores del SGLGB desde Zamboanga Peninsula ya hace el DILG por medio de un publicacion na Facebook del Viernes.
Asegun con el DILG, el sinco barangays na ciudad de Zamboanga clasificao como mga pasadores del SGLGB amo el Labuan, Rio Hondo, San Jose Gusu, Sinunuc, y Zone 2.
El DILG ya habla, el sinco barangays del ciudad de Zamboanga es parte del 106 barangays na region que ya recivi el sello.
Asegun con el DILG, el SGLGB es un sello de excepcional actuacion reflejando su excelencia na gobernanza local, integridad en liderato, y dedicacion para entrega eficiente, equitativo, y calidad servicio publico con mga vivientes. (B. Garcia)