Cuarenta’y uno reservistas el ya gradua na entreno de Internal Security Forces Operations Course (ISFOC) que ya conduci el 4th Special Forces Battalion (4SFBn) na ciudad de Isabela, Basilan, asegun con el militar del Lunes.
Asegun con el 4SFBn, aquellos quien ya gradua na entreno amo mga personajes del 1604th Ready Reserve Infantry Battalion (RRIBn) que ta encabesa si Tiniente Coronel Aldam Sansawi.
Asegun con el 4SFBn, el entreno ya principia del Septiembre 28 y ya conclui de Viernes, Deciembre 27.
El 4SFBn ya habla, el 12 fin de semana rigurosos entreno ya transforma con el 41 reservistas en un cohesivo y fuerzas capable, preparao para suporta na operaciones de seguridad interna y prepracion para operaciones de defensa teritorial.
El mga reservista quien ya gradua del Viernes compuesto de 37 hombres y cuatro mujeres.
Asegun con el 4SFBn, el ISFOC es un plano de studio meticulosamente ya diseña para instila disciplina militar, mejora el condicion fisica, y imparti experiencia tactica necesario para el funcciones de seguridad interna. (B. Garcia)