Cuatro victima de humano trafico (human trafficking) el ya puede salva mga personajes del guardia costal (Coast Guard) del rehyon otonomo na provincial del Tawi-Tawi del otro semana.
El “Maritime Security Law Enforcement Command” del guardia coastal ya anuncia del Huwebes cay con el mga victima ya puede salva despues que ya puede nota canila na un varco de pasajero que nuevo lang ya pundia na pantalan del Bongao el cabesera del provincia de Tawi-Tawi.
Nohay mas nombra el guardia costal con el cuatro victima ya salva de ila personajes.
Esperansao el cuatro victima viaja para na Malaysia pasando na provincia de Tawi-Tawi.
Asegun con el guardia costal cay uno del cuatro es un 18 años mujer y un residente del ciudad de Zamboanga quien ay anda na Malaysia para busca trabajo sin el propio documentos.
Con el mga salvao victima ya entrega na custodiya del Municipal Inter-agency Committee against Trafficking para el propio disposicion.
(B. Garcia, photo courtesy of Maritime Security Law Enforcement Command of the Philippine Coast Guard)
