El Oficina del Salud del Ciudad ya man hunto con el Departamento de Educacion (DepEd) na conducida del Brigada Eskwela este año aqui na ciudad.
El Brigada Esckwela es un programa del DepEd na entero pais para prepara con el mga eskwela para el abrida del clase na Agosto 29.
Asegun con Dr. Dulce Amor Miravite, el hefe del Oficina de Salud, ya designa su oficina mga personajes para conduci actividades de fumigacion na diferente eskwelas pulbicas aqui na ciudad.
El actividades de fumigacion entendido para combate con namok ta causa dengue y privini el enfermedad de dengue.
Miles de bata el esperansao bira na diferente eskwelas publicas el momento ay abre el clase na Agosto 29 para el año 2023-2024.
(B. Garcia, photo courtesy of Zamboanga City Health Office)