Cuatro nuevo nombrao kagawad na tres barangay el ya jura na presencia del Alcalde John Dalipe para servi bien con el publico.
El ceremonia de juramiento, que ya encabesa si Dalipe, ya conduci del Miercoles na oficina del alcalde na City Hall.
Si Dalipe ya anuncia del Viernes, aquellos quien ya jura como mga nuevo nombrao kagawad amo canda Joey Magsucang de Barangay Buenvista, Alvian Alviar y Mark William Alvarez de Dulian-Upper Bunguiao, y si Jovencio Pada de Barangay Zone 1.
Asegun con Dalipe, con el cuatro ya nombra para ocupa el puesto que ya déjà vacante el mga elejido oficiales cualquiera de sucesion, demitida o resignacion, o natural causa.
El juramiento del cuatro nuevo nombrao kagawad ya hace na presencia mga oficiales del de ila respetivo barangay y miembros del familia. (B. Garcia)