Un persona mas buscada el ya aresta el mga autoridad na un operacion de aplicacion de ley na provincia del Maguindanao del Norte, asegun con el policia del Viernes.
El PRO-BAR nohay mas nombra con el arestao persona mas buscada puera lang de habla’r cay el un individual ele de 37 años el edad y chufer de triciclo.
Asegun con el PRO-BAR, con el acusao ya aresta na un operacion de aplicacion de ley por medio de implementacion de un orden de aresto del Miercoles na Barangay Poblacion Dalican, Datu Odin Sinsual, Maguindanao del Norte.
Asegun con el policia, el acusao tiene pendiente orden de aresto por el crimen de matansa sin recomendao piansa que ya dale el un corte de Isulan, Sultan Kudarat.
Asegun con el policia, el acusao listao como el numero nueve persona mas buscada na Region 12 base na sistema de e-warrant. (B. Garcia)