El 38th Infantry Battalion (38IB) ya conduci 10-dia entrenamiento de punteria (marksmanship training) para mejora el capabilidades del mga personajes del batallon, asegun con el militar del Lunes.
Asegun con el 4th Civil Relations Group (4CRG), el entrenamiento ya conduci desde Octubre 7 hasta 17 na quartel del 38IB na Barangay Cebuano, Sur Tupi, na provincia del Sur Cotabato.
Asegun con el 4CRG, el objetivo del programa amo para mejora con el precision y lijerisa del mga soldao na agarada de armas de fuego.
El 4CRG ya habla, si Tiniente Coronel Erwin Felongco, el comandante del 38IB ya dale importancia con el entrenamiento de punteria.
“El proficiencia na punteria es vital para na triunfo del mision. Este ensayo ta asegura cay preparao de aton mga soldao actua bajo’l condicion de real combate,” si Felongco ya habla.
El entrenamiento es parte del continuando dedicacion del batallon para mantene buen preparacion de combate. (B. Garcia)