El escuela de entreno del 1st Infantry Division (1ID) con orgullo ya conclui el curso de arnis para del mga entrenadores, descatando el dedicacion y progreso del 37 participantes desde’l varias linea de unidades.
El ceremonia de cerrada, que ya hace na grandstand del 1ID del Jueves, ya dale mira el nuevo adquerido habilidades y sabidoria por medio de demostraciones impresionante.
Bajo na guia de Capitan Edelyn Glarian, el director del curso, el extensivo programa dirigido para mejora el proficiencia na Arnis, el arte marcial tradicional Filipino, myentras ta enfatiza tamen el patrimonio cultural, disiplina, y liderato.
Si Tiniente Coronel Michael Victoria, quien ya representa na ceremonia con el comandante del escuela de entreno del 1ID, ya expresa orgullo con el acomplimiento del mga participantes.
Si Brigadier General Antonio John Divinagracia, el asistente del comandante de division, ya comenda con el comitiba de entreno por el de ila dedicacion y iniciativo impartando sabidoria esencial y habilidades.
Como ya conclui el entreno de entrenadores de Arnis, ya anticipa el escuela de entreno del 1ID cay lleva impacto positivo el mga nuevo instructores na de ila unidades y na comunidad. (B. Garcia)