Total de 3,000 siembradores, pescadores y trabajantes de kaingin bien afectao na fenomeno de “El Niño” el ya identifica para beneficia na programa del gobierno nombrao como el Tulong Panghanap-Buhay sa Ating Disadvantage/Displaced Workers o el TUPAD.
Asegun con Arben Magdugo, el agricultor del ciudad, aquellos quien hay beneficia na programa de TUPAD amo listao bajo na Sistema de Registro para el Basico Sector de Agricultura.
Asegun con Magdugo, hay trabaja sila na lugar de produccion de agricultura como el limpiesa del mga canal de irigacion y presa y tambien ng mga rio.
Si Magdugo ya habla, por medio del TUPAD, el mga siembradores, pescadores y trabajantes de kaingin hay puede tene alternativo encontrada, maskin temporariamente, particularmente aquellos quien nohay puede siembra por causa del fenomeno del el Niño.
Asegun con Magdugo, el mga indentificao beneficiaries hay trabaja na mga lugar donde el de ila kaingin maskin hinde sila residente del mencionao lugar.
El TUPAD es un programa del Departamento de Trabajo y Empleyo. El programa es un ayuda base na comunidad para dale empleyo de emergencia. (B. Garcia)