Treinta mga armas de fuego sin licensia y seis bala de calibre 40-milimnetro de alto explosivo el formalmente ya rendi con el autoridad na provincia del Zamboanga del Sur, asegun con el militar del Sabado.
Asegun con el 53rd Infantry Battalion (53IB), con el mga armas de fuego sin licensia ya rendi durante un ceremonia de entrego del Viernes na gimnasio municipal na Barangay Kagawasan, Dimataling, Zamboanga del Sur.
El mga rendido armas de fuego sin licensia ta inclui rifles M14, Carbins, Garands, y varias pistolas con mga bala.
“Este entrego es evidencia na dedicacion del todo partes interesadas para hace un comunidad pacifio y segurao. Hay continua came trabaja mano-a-mano con el gobierno local, lideres local, otro agencias de gobierno, organizaciones no gubernamental para logra de amon vision compartida de un paz duradera na Zamboanga del Sur,” ya habla si Tiniente Coronel Rolando Bargas, Jr., el comandante del 53IB.
El evento ya conduci en asociacion con el programa de Small Arms and Light Weapons (SALW) del Oficina de Asesor Presidencial para el Paz, Reconciliacion y Unidad, o OPAPRU.
El el evento ya atende mga oficiales y alto funccionarios, incluido si Gobernaror Victor Yu del Zamboanga del Sur; Congresista Divina Grace Yu del primer distrito del Zamboanga del Sur; Brigadier General Elmer Suderio, comandante del 102nd Infantry Brigade; Alcalde Avelina Yrauda del municipio de Dimataling; Vice Alcalde Omar Buluan del municipio de Dimataling; y, mga oficiales del barangays del Dimataling. (B. Garcia)