El Departamento de Medio Ambiente y Recursos Naturales, o DENR, ya inicia cambio na liderato del su Oficina de Manejo Ambiental, o EMB, un agencia que ta proporciona investigacion y servicios de laboratorio y servi como el secretaria na adjudicacion de mga casos de contaminacion.
Asegun con el oficina regional del DENR, con el Abogao Abbas Lao ya instola como el oficial-en-cargao del EMB-Zamboanga Peninsula, reemplanzando con Alex Jimenez.
Con Jimenez ya designa como el nuevo director regional director del EMB na Este Visayas mientras si Lao previamente designao como el jefe del division del EMB na Norte Mindanao.
Si Marie Angelique Go, el oficial-en-cargao del DENR-Zamboanga Peninsula, ya expresa su apreciacion con Jimenez por su liderato y contribuciones na oficina regional del DENR y EMB.
Si Go ya expresa su confidencia na habilidad de lao para adelanta con el iniciativas ambiental de EMB.
Si Jimenez ya agradece con su mga colegas, compañeros, compañeras, y comunidad por el de ila suporta durante su tenencia como el director del EMB-Zamboanga Peninsula.
Mientras tanto, ya promete si Lao para encabesa con el oficina regional del EMB na su objetivos de administracion ambiental y descatando el importancia de trabaja’r hunto para acomplici el mga objetivos del agencia.
Si Jacqueline Caancan, el OIC-Assistant Secretary de medio ambiente y director del EMB, el huesped de honor de evento, ya anima con el mga personajes del DENR-Zamboanga Peninsula para abarca con el cambio como un oportunidad de crecimiento y crea un legacia significativo na de ila trabajo dentro del orgnizacion.
Si Caancan ya habla, el transicion de liderato ta significa un nuevo capitulo para con el DENR y EMB na Zamboanga Penisula, reinforsando con el de ila continuando dedicacion para un sostenible manejo ambiental na region.
El ceremonia del cambio de liderato na EMB-Zamboanga Peninsula ya hace del Martes y ya atende tamen mga otro, estaba, and presente oficiales del DENR na region. (B. Garcia)