Tres rebelde New People’s Army (NPA) el ya rendi na autoridad amediante del ofensiva del gobierno contra canila na Centro de Mindanao, asegun con el militar del Miercoles.
Asegun con Tiniente Coronel Christopherson Capuyan, el comandante del 37th Infantry Battalion, el tres rebelde NPA ya rendi del Lunes na Barangay Tibpuan, Lebak, Sultan Kudarat.
Si Capuyan nohay identifica con el tres rendidores, pero asegun cay sila ta inclui un lider de escuadra del “Dabu-Dabu Platoon” del “Region Sentro De Grabedad (RSDG)” del NPA na “Far South Mindanao Region”.
El dos otro rendidores amo mga siguidores del “Platoon Baghdad” y “Platoon Beijing” del RSDG.
El tres rendidores ya entrega un “M-60 machinegun” y dos rifles Garand.
Asegun con Brigadier General Michael Santos, el comandante del 603rd Infantry Brigade, el tres rebelde NPA ya rendi por el miedo aserca el de ila seguridad por causa del sin descanso ofensiva del fuersa militar. (B. Garcia)