General Santos City – Apektado usab ang mga mag-uuma sa Barangay Baluntay, Alabel, Sarangani Province sa kainit sa panahon mao nga nagdeklara usab ug State of Calamity ang ilang Sangguniang Barangay.
Sumala kay Kapitan Rais Bisaya nga human sa actual Inspection nasuta nga mokabat sa kapin gatus ka mga mag-uuma ang apektado, ug usa niini ang usa ka plantasyon sa saging sa ilang lugar, gumikan sumala pa sa kainit sa panahon,apektado ang bunga.
Nagresulta kini sa pagbuhin sa ilang mga trabahante sa sagingan apan gibayran usab sa tag-iya sa farm.
Sumala sa usa ka mag-uuma nga si Johnny Deu, 47-anyos nga ang iyang maisan na apektohan usab, nagbunga apan gagmay mao nga iyaha na nga ginalauman nga mokunhod usab ang iyang ma-ani sa bulan sa Mayo.
Nagapanghinaut sila nga sa madali nga panahon makahimo og pamaagi ang LGU Alabel aron ma-ayudahan ang mga mag-uuma.
