El mga autoridad ya aresta tres personas y ya confisca valor de P952,200 de droga ilegal na un operacion contra droga na provincia del Lanao del Sur, asegun con el policia del Sabado.
Si Police Colonel Robert Daculan, el director del policia na Lanao del Sur, nohay identifica con el tres arestao personas, puera de habla’r clasificao sila como mga individuales de alto valor, o HVI.
Asegun con Daculan, con el tres HVIs ya aresta na un operacion de compra busto mga alas 2 del Viernes aga na Barangay Sugod Proper, ciudad de Marawi, Lanao del Sur.
Asegun con Daculan, ya confisca na posesion del mga arestao HVIs total de 141 gramos de suspechao shabu que tiene el valor de P952,200, un bolsa, y dinero de compra busto.
Asegun con Daculan, con el mga arestao suspechao y mga confiscao evidencia ya lleva na cuartel del policia na ciudad de Marawi para el documentacion y preparacion para el plantada del caso contra canila. (B. Garcia)