El mga autoridad ya quema valor de P10.2 millones siembra de marijuana cuando ya destrosa sila un plantacion del mencionao siembra na provincia del Sulu, asegun con el Philippine Drug Enforcement Agency (PDEA) del Sabado.
Asegun con Gil Cesario Castro, el director del PDEA na Bangsamoro Autonomous Region in Muslim Mindanao (BARMM), el plantacion de marijuana que ya destrosa sila locao na Barangay Pitogo, Kalingalan Caluang, Sulu.
Asegun con Castro, aproximadamente 11,950 pono de marijuana que tiene el valor de P10,277,000 el ya arangca na 1,950 metros cuadrado anchor de plantacion.
Si Castro ya habla, con el plantacion del marijuana ta cultiva si alias Mahdi, quien ausente cuando ya destrosa sila con el plantacion.
Asegun con Castro, si Mahdi hay enfrenta el asunto por violacion del Ley Integral de Drogas Peligrosas de 2002.
Si Castro ya habla, con el plantacion del marijuana ya destrosa el mga agentes del PDEA-BARMM con el suporta del policia na provincia de Sulu y soldao desdeโl 1102nd Infantry Brigade. (B. Garcia)