Ya reafirma el mga partes interesadas de ila dedicacion para asegura un pacifico y de orden comunidad, especialmente con el proximo nacional y local elecciones de 2025.
El reafirmacion ya hace el mga apartes interesadas durante el caminada de unidad, manifestacion por la paz, y firmada del pacto de paz del Martes na municipio del Alicia, Zamboanga Sibugay.
Asegun con el 106th Infantry Battalion (106IB), el evento ya enfatiza el compartido responsibilidad del fuerzas de seguridad, lideres locales y religiosos, y ciudadanos en promicion de harmonia, seguridad, y justo procesos democraticos.
Asegun con el 106IB, el mas descatados de evento amo el firmada de covenante de paz, un promesas del todo partes interesadas para defende con el integridad de paz, y respeto con el reglamento de ley.
“El paz hinde un regalo que puede lang hace por ulvido. El paz es una vida, entidad respiratora que ta requeri constanta vigilancia, dedicacion y sacrificio,” ya habla si Teniente Coronel Anshary Pumbaya, el comandante de 106IB.
“Mientras ya firma kita el convenante, ta llama yo cada soldao, cada lider, y cada ciudadano para lleva este sagrado confianza seriosamente,” si Pumbaya ya omenta.
Puera con el mga soldao del 106IB, con el caminada de unidad, manifestacion por la paz, y firmada del pacto de paz ya participa tamen el mga personajes del policia del municipio de Alicia, 1st Mobile Force Company, Philippine Coastguard, y Bureau of Fire Protection. (B. Garcia)