Total de 24 pusil sin licensia el ya rindi mga oficiales na Maguindanao del Sur como resulta del sin descanso campanya del 1st Mechanized Infantry Brigade contra na proliferacion del mga colorum armas de fuego.
Asegun con el 1st Mechanized Infantry Brigade con el mga pusil sin licensia ya rindi mga oficiales del 19 barrio del municipio del Heneral Salipada Pendatun del Miyercoles.
Con el mga pusil formalmente ya recivi si Brigadier General Andre Santos, comandante del 1st Mechanized Infantry Brigade, durante un ceremonya que ya encabesa el Alcalde Rafsanjani Ali del municipio de Heneral Salipada Pendatun.
El mga armas de fuego ta incluwi el mga siguientes: dos two .9-millimeter (MM) Thomgram sub-machineguns; dos calibre .45 pistola; cuatro calibre .38 pistola; un .357 pistola; dos 7.62-mm Sniper rifles; un calibre .50 Sniper rifle; un calibre .30 Mauser Sniper rifle; cuatro Shotguns; dos riple Garand; un rocket-propelled grenade launcher; dos 40-mm M79 Grenade Launchers; un riple armalite; y mga bala de diferente calibre.
Con el mga pusil ya pone bajo el custodiya del 1st Mechanzied Infantry Battalion para el propio disposicion.
Asegun con Tiniente Heneral Roy Galido, el comandante del Western Mindanao Command, cay ya intensifica sila el campanya contra pusil sin licensia para tene honesto, de orden y pacifico eleccion del mga oficiales del Barangay y Sangguniang Kabataan Elections na Octubre 30.
“Uno se del medidas de seguridad ta ase came para asegura puede practica el publico de ila derecho para vota,” asegun con Galido. (B. Garcia, photo courtesy of 1st Mechanized Infantry Brigade | 6th Infantry “Kampilan” Division, Philippine Army Facebook page)