El 11th Infantry Division (ID) en colaboracion del con Ministry of the Interior and Local Government (MILG) del region autonomo ya distribui ayuda financial con 22 antes miembros del grupo Abu Sayyaf na province del Sulu, asegun con el 11ID del Domingo.
Asegun con el 11ID, con el ayuda financial ya dale con el 22 antes miembros de grupo Abu Sayyaf durante un simple programa na Campo Bautista, Jolo, Sulu, del Jueves.
Asegun con Jaber Macacua, el director del programa TUGON (Tulong ng Gobyernong Nagmamalaskit), el dalida del ayuda financial tiene el objeto facilita el integracion na comunidad del mga antes miembros del Abu Sayyaf como mga productivo ciudadanos.
Asegun con Macacua, ay dale sila programas de busca lavida con el 22 antes miembros del Abu Sayyaf como parte del sostenimiento na esfuerzo de govierno.
Asegun con Nashra Tulawie, el oficial administrativo del MILF-Sulu, ya expresa su gratitud con el antes mga violente extremismo y ya garantisa le cay hay continua su oficina suporta canila na de ila mga plano na futuro.
Aparte con el ayuda financial, ya dale tamen con el mga estaba miembros del Abu Sayyaf paquetes de comida y saco de arroz como parte de sostenimiento del esfuerza bajo el proyecto TUGON. (B. Garcia, photo courtesy of 11ID)