Dos oficiales designao na cuartel del Western Mindanao Command (Westmincom) el ya promociona para na siguiente alto rango, asegun con el militar del Miercoles.
Asegun con el Westmincom, el dos oficiales ya promociona para na rango de Teniente Coronel amo canda Major Franklyn Dacquel, el comandante del Headquarters and Headquarters Company (HHC) y si Major Aurelson Caloma, el comandante del 5th Communications, Electronic Information, System Groups (5CEISG).
El ceremonia del ponida del nuevo rango ya conduci del Lunes y ya encabesa si Teniente General Antonio Nafarrete, el comandante del Westmincom.
Si Nafarrete, durante el ponida del nuevo rango, ya felicita con el dos nuevo promocionao oficiales para el merecido promocion, derramando su felicitacion por el de ila merito.
Mientras tanto, el mga promocionao oficiales ya expresa de ila gratitud por el estimulo y calentorosa palabra de felicitacion del comandante del Westmincom.
Ya rendi tamen sila gracias con el mga gente quien instrumental na de ila respectivo promocion. (B. Garcia)