El gobierno local ya compra mga nuevo trak para mejora mas el sanitacion y manejo de basura na ciudad de Zamboanga.
El Alcalde John Dalipe ya encabesa con el inaguracion y entrego del 10 traks, compuesto del primer grupo, para na Oficina del Medio Ambiente y Recursos Naturales del Ciudad, o OCENR, del Martes tarde.
El inaguracion y entrego ya hace enfrente del City Hall despues que ya bendeci con el mga trak el Padre Jose Filmore Calibo.
El primer grupo de 10 traks es parte de 45 traks que ya compra el gobierno local para solve con el manejo y coleccion de basura.
El valor del cada uno trak, que hacido de japon, es P5.9 millones.
Asegun con Dalipe, el omento 35 traks que esperansao entrega hay distribui na mga grande barangays con grande problema de basura.
Asegun con Dalipe, el compre del mga trak es en liña del objetivo del ciudad para mejora el servicios de sanitacion y eficiencia del coleccion de basura y cubri mas lugar, contribuendo para limpio, mas saludable ciudad de Zamboanga. (B. Garcia)