El 1st Infantry Division (1ID) ya honra con el dos nuevo promocionao y tres nuevo designao oficiales durante un formal ceremonia na Campo Major Cesar Sang-an, que ya servi como el casa del cuartel del 1ID na Zamboanga del Sur, asegun con el militar del Jueves.
El 1ID ya nombra con el dos promocionao oficiales para na rango de Teniente Coronel como canda Major Janaloden Sanggacala y Major Renie Duran.
El mga nuevo designao oficiales na 1ID amo canda Capitan Dale Furtogaleza, Capitan Frank Babutin, y Primer Teniente Jeffrey Angeles.
El ceremonia del ponida de nuevo insignia de rango y patches de Tabak del Lunes ya encabesa si Brigadier General Antonio John Divinagracia, el asistente comandante del 1ID.
Si Divinagraia ya habla, el rango y patches ta simboliza hinde lang el personal accomplicimiento, pero el colectivo fuerza tamen de 1ID.
Si Divinagracia ya extende su felicitacion con el dos nuevo promocionao oficiales y ya anima con el tres nuevo designao oficiales para depende con el honor del Tabal patches. (B. Garcia)