Irido el dos personas na un incidente de explosion na ciudad de Isabela, provincia de Basilan, asegun con el pulisiya.
El Isabela City Police Station (ICPS) ya reporta cay el incidene ya ocuri Huwebes aga mga alas seis enfrente na casa de Abno Ussi, 61 años el edad, na Barangay Diki, Isla de Malamawi, ciudad de Isabela.
El ICPS ya nombra con el mga victima como si Abdurasid Ahid, 45, y su ocho años anak, quien mga vicinos de Ussi.
Asegun con el pulisiya cay nohay pasa nada con Ussi durante el incidente.
El pulisiya ta continua investiga con el incidente para establisa el motivo y sabe si quien el ya pone con el explosivo entrente na casa de Ussi. (B. Garcia, photo courtesy of Kilo India)