Dos personas el ya iri na un accidente vehicular na costa este del ciudad, asegun con el policia local del Martes.
Asegun con el policia, el accidente ya ocuri mga alas 5:45 del Lunes aga na carretera de Maria Clara Lorenzo Lobregat, Baragnay Divisoria na costa este del ciudad.
El policia ya habla, con el dos victima ya conose como canda Mario Appari, 32, un residente de Barangay Boalan y si Rommel Guelos, 44, residente de Guiwan, en este ciudad.
Base na investigacion, ya accidenta sila dos despues que ya resbala na mano de Appari el manibela del motorsiclo que ta maneja le y ta sigi ancas si Guelos mientras ta via sila para na direccion del pueblo estaba na costa este.
Ambos si Appari y si Guelos ya sustene irida na de ila cuerpo y ya lleva canila dos na hospital para el curada medical.
(B. Garcia)Â
