El Departamento de Obras Publicas y Carreteras, o DPWH, ya ancha un fuente con el objetivo mejora el eficiencia de transportacion na dos municipios del Zamboanga del Norte, asegun con el DPWH del Martes.
Asegun con el DPWH-Zamboanga Peninsula, con el fuente que ya ancha locao na camino del municipios de Sindangan y Liloy, partricularmente na Barangay Timan, Liloy, Zamboanga del Norte.
Asegun con el DPWH, el fuente tiene el total largor de 10.05 metros de carril y anchor que ya ancha para na siete metros.
“El complecion de este proyecto, hay facilita abora el mejorao mobilidad ambos con mga viajeros y productos,” el DPWH-Zamboanga Peninsula ya habla na un declaracion.
El proyecto hay solve con el creciente demanda de trafico na lugar, asegurando mas suave y segurao transportacion para contodo quien ta usa con el camino.
El proyecto tiene el alocacion de P22 millones fondo desde’l Ley General de Asignaciones de 2023.
Con el proyecto ya implementa el oficina de ingenieria del DPWH na terser distrito del DPWH. (B. Garcia)