26.6 C
Manila
Monday, March 4, 2024

Zamboanga: 2 arestao, P7.4 millon droga ilegal confiscao

- Advertisement -

Dos suspechao el ya aresta y valor de P7.4 millon droga ilegal el ya confisca mga autoridad na provincia del Lanao del Sur y aqui na ciudad de Zamboanga, asegun con el Philippine Drug Enforcement Agency (PDEA) y policia local del Miercoles.

El PDEA na region autonomo y policia local ya nombra con el mga arestao suspechao como canda Lawa Abedin alias Edris, 47, años el edad y residente de Barangay Taporog, Poona Bayabao, Lanao del Sur y si Arman Mendoza, 28, y residente de Barangay Pasobolong, en este ciudad.

Asegun con el PDEA na Bangsamoro Autonomous Region in Muslim Mindanao (PDEA-BARMM), con Abedin ya aresta na un “buy-bust operation” del Martes na Barangay Bugaran, Poona Bayabao, Lanao del Sur.

El PDEA-BARMM ya habla, ya recubri na posesion de Abedin mas or menos 1,025 gramos de suspechao shabu enpaquetao na un supot de plastic con el valor de P6,970,000, un celpon, un calibre .45 pistola con tres bala, markao dinero, y un tarjeta de identificacion.

Con el suspechao ya detene na carcel de PDEA-BARMM en preparacion para el plantada del asunto contra conele por violacion del Comprehensive Dangerous Drugs Act of 2002 y del Comprehensive Firearms and Ammunition Regulation Act”.

Mientras tanto, asegun con el policia local, con Mendoza ya aresta na otro “buy-bust operation” mga alas 8:48 del Martes denoche na Barangay Divisoria, en este ciudad.

Asegun con el policia local, ya confisca na posesion de Mendoza mas of menos 63.73 gramos de suspechao shabu que tiene el valor de P433,364, un portamoneda, y P200 markao dinero.

Con Mendoza ya detene na quartel del Zamboanga City Police Office en preparacion para el plantada del asunto contra con el suspechao por violacion del Comprehensive Dangerous Drugs Act of 2002.

(B. Garcia, photo courtesy of PDEA-BARMM)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -