El mga personajes del 34th Infantry Battalion (34IB) ya puede previni con el mal plano del 25 armao personas para crea estruendo del Lunes na uno del mga barangay na municipio de Pahamudin del Special Geographic Area (SGA) na Bangsamoro Autonomous Region in Muslim Mindanao (BARMM).
Asegun con Teniente Coronel Edgardo Batinay, el comandante del 35IB, ese ya vene despues que su mga personajes ya puede confisca 19 armas de fuego desde con el grupo del mga armao personas na Barangay Lower Panangkalan, Pahamudin, SGA, BARMM.
Asegun con Batinay, con el mga armas de fuego ya confisca despues que ya abisa canila el mga residentes del Barangay Lower Panangkalan sobre el presencia del armao grupo.
“El mga armao personas de fronto ya istindi cuando ya columbra sila con mga tropas ta llega, dejando con el del ila mga armas,” Si Batinay ya habla na un anuncio.
Si Batinay ya habla, el mga armas de fuego que ya confisca su mga personajes ta inclui seis rifles M4, seis rifles M-16, dos rifles M-16 con pilit M-203 lancador de granada, dos rifles M-14, un rifle Garand, un rifle de francotirador, un calibre .45 pistola, mga clip, bandolier y mga bala. (B. Garcia)