El 18th Infantry Battalion (18IB) ya implementa cambio na liderato del su Delta Company base na municipalidad del Akbar, Basilan, asegun con el militar del Miercoles.
Ya instola como el nuevo comandante del Delta Company con First Lieutenant John William Calaguas, quien ya releva con First Lieutenant Carmel Angelo Robles.
Si Teniente Coronel Mark Serapion Lagud, Jr., el comandante del 18IB, ya encabesa con el ceremonia del cambio del mando del Lunes na puesto de mando del Delta Company na Barangay Upper Bato-Bato, Akbar.
Si Lagud ya promete extende su todo suporta cuando ya asumi si Calaguas como el nuevo comandante del Delta Company.
Ya extende tamen si Lagud su mejor deseos con Robles na su futuro esfuerzos.
Si Lagud ya nota el Delta Company tiene el papel vital na lugar de operaciones del 18IB, especificamente na supervision del funcciones administrativas del mga milicianos.
“Este responsibilidad ta demanda meticuloso atencion con el detalle y fuerte liderato para asegura al suave y eficinete operacion del miliciano,” ya habla si Lagud. (B. Garcia)