Deci-siete personajes del Coast Guard District Southwestern Mindanao (CGDSWM) el ya completa na sinco-dia entreno de componida de makina de automotor mejorando el capabilidad technical del mga personajes.
El CGDSWM ya habla, el sinco-dia entreno ya culmina del Lunes na quartel del mando na Barangay Calarian, ciudad de Zamboanga.
Asegun con el CGDSWM, el mga participantes del varias distrito, estaciones y sub-estaciones, ya obtene invaluable experiencia y sabiduria technical durante el entreno.
El programa ya inclui practical sesiones, concentrando na componida de makina, tecnicas de componida, y ultimo avance na tecnologiya automotor ambos motor fuera de borda y cuatro rueda vehiculos.
“El habilidades ya adqueri maga participantes significanmente hay mejora con el eficiencia del guardia costera para compli de ila mandato, particularmente na mantenida y operada de taller y unidades de transportaciones dentro del distrito,” el CGDSWM ya habla na un declaracion.
“Este iniciativa hay fortalece el preparacion y capabilidades operacional del Guardia Costea del Filipinas,” el CGDSWM ya omenta.
El entreno de compoinida de makina ya conduci en colaboracion con el Zamboanga Peninsula Polytechnic State University. (B. Garcia)