El mga autoridad ya aresta un persona y ya confisca valor de P855,000 smuggled cigarillo na un operacion impulsao de inteligencia contra smuggling na Zamboanga Sibugay, asegun con el policia del Miercoles.
El mando regional del policia nohay identifica con el arestao persona quien un hombre y tiene el edad de 19 años.
Asegun con el policia, con el persona ya aresta mga alas 12:50 del Miercoles aga na Barangay Baganipay, Talusan, Zamboanga Sibugay.
Asegun con el policia, ya confisca na posesion del arestao persona 15 cajon de diferentes clase de cigarillo que tiene el valor de P855,000.
Asegun con el policia, con el arestao suspechao y confiscao smuggled cigarillo ya pone bajo’l custodia del policia na municipio del Talusan para el propio disposicion.
El exitoso campaña contra smuggling ya conduci el policia con el suporta del 106th Infantry Battalion. (B. Garcia)