Pagasugdan na sa dili madugay ang P69milyones nga bag-ong commerical center partikular sa Brgy. Kabatan, Vincenzo Sagun, Zamboanga del Sur.
Adlawng Martes, usa ka ground breaking ceremony ang gipahigayon alang sa maong dakong proyekto nga maghatag og dugang kalambuan sa nasangpit nga lungsod.
Ang maong 2-storey building adunay roof deck ug floor area nga 1,988 square meters.
Pinaagi sa dedikasyon ug panglantaw ni Gov. Victor J. Yu ug Mayor Jeffry P. Maata mahimong ng realidad ang dugay ng gidamgo sa mga VSagunian alang sa kalambuan sa ilang munisipalidad.
Sumala ni Gov. Yu nga ang commercial center usa ka timaan nga dili lang kutob sa mga natural tourist spots mailhan ang Sagun apan sa dugang pang pasilidad nga maghatag kabibo sa lungsod.
Ang mahinungdanong okasyon gitambongan usab ni 1st District Cong. Divina Grace C. Yu, Vice Mayor Noel Reales, LGU ug barangay officials, ug katawhan sa Vincenzo Sagun.
(Source: Victory Zamboanga del Sur Facebook page)