El campaña contra armas de fuego sin licensia na Bangsamoro Autonomous Region in Muslim Mindanao (BARMM) ta continua tene buen resulta, asegun con el militar del Viernes.
Asegun con el Wstern Mindanao Command (Westmincom), 13 armas de fuego el volutariamente ya rendi con el 33rd Infantry Battalion (33IB) del Lunes na provincia del Maguindanao del Sur.
Asegun con el Westmincom, el mga armas de fuego que ya rendi ta consisti de mga rifles Garand.
Con el mga rendido armas de fuego ya presenta con Coronel Edgar Catu, el commandante del 601st Infantry Brigade, durante el un foro de candidatos politicos na Barangay Zapakan, Radjah Buayan, Maguindanao del Sur.
El rendida del mga armas de fuego es parte del en curso iniciativa del programa de Small Arms and Light Weapons Management.
El ceremonia del rendida del mga armas de fuego ya atende mga oficiales y representantes del gobierno local, organizaciones de sociedad civico, y otro partes interesadas. (B. Garcia)