Un estudiante el ya iri na un accidente vehicular na costa este del ciudad, asegun con el policia local del Martes.
Asegun con el policia local, el incidente ya ocuri mga alas 7:30 del Martes aga na Barangay Sangali, 25.34 kilometros este del ciudad de Zamboanga.
El policia local ya nombra con el victima como si Kenly Pantaleon, 12 años el edad y un estudiante del escuela de elementaria del Sangali.
Base na investigacion, ta camina na canto’y camino cuando ya tupa conele el rueda na atras lao isquierda del un petrolero que ta maneja si Jomie Estrella, 51 años el edad.
Asegun con el policia, con el victima quien ya sustene grabe irida na isquierda pie ya lleva na hospital para el curada medical.
Asegun con Estrella, de camino ele para na un estacion de gasolina na Sangali cuando ya ocuri el accidente.
(B. Garcia)