El 11th Infantry Division ya saca nuevo soldao compuesto de sincuenta personas con cada’y cual profesion para sirvi na maga mando ta dale suporta con maga soldao na frontera o ofensiva.
Asegun con Major General Ignatius Patrimonio, el comandante del 11th Infantry Division, cay el maga nuevo soldao ya saca sila bajo el Special Enlistment Quota compuesto de treynta’y nueve mujers donde veinte seis dila maga nativo Tausug y onse hombre incluwido sinco maga Tausug tamen.
Si Patrimonio ya habla cay el maga nuevo soldao tiene el profesion de nars, radiologic technology, informacion tecnico, enginiero, y draftsmen.
Alegre nota si Patrimonio cay mayoriya del sincuenta nuevo soldao amo maga nativo Tausug cay puede sila contibuji mucho para sustene el paz y seguridad na provincial de Sulu.
Ya conseja si Patrimonio canila para sirvi bien porcause mucho maga aspirante per poko lang con quien ta saka para keda soldao. (Bong Garcia)