El 11th Infantry Division (11ID) ya instola nuevo jefe na Oficina de Asuntos Publicos del Division, o DPAO, durante un ceremonia del Lunes na Campo General Teodulfo Bautista na Jolo, Sulu.
Asegun con el 11ID del Martes, con Capitan Genesis Dizon ya instola como el nuevo jefe de DPAO, reemplazando con Primer Teniente Lady Deane Sarmiento.
Durante el ceremonia, si Sarmiento ya expresa su gratitud con Major General Leonardo Peña, commandante del 11ID, por su confiansa, ya alaba con su grupo de DPAO, y ya reafirma su dedicacion na servicio.
Si Dizon ya dale credito na su dias del periodismo durante el segundaria por encender su passion por el asuntos publicos.
Ya expresa tamen si Dizon su gratitud con Sarmiento, hablando “ta roga y resa yo cay hay puede yo hace igual con el de tuyu acomplicimientos o si hinde, hace mas.”
Si Coronel Amadeo Cruz, el interino jefe de personal del 11ID, ya encabesa con el ceremonia del cambio del jefe de oficina.
Si Cruz ya comenda con Sarmiento por su dedicacion y liderato, descatando su vital papel en fortalecimiento del iniciativas estrategico comunicacion del 11ID.
Ya expresa tamen si Cruz su conficendia con Dizon, confiando conele para eleva mas con el mision del asuntos publicos de division. (B. Garcia)