Nadakpan sa kapulisan ang usa ka 53-anyos nga lalaki nga lumad sa Surigao del Sur human sa kapin 15 ka tuig nga pag tago- tago. Ang suspek, nga may kasong murder, gidakop sa Criminal Investigation and Detection Unit (CIDU) sa Cebu City Police Office (CCPO) ubos sa pagdumala ni PLTCOL Rosefiela D. Santolorin niadtong Marso 8, 2025 sa Brgy. Pit-os, Cebu City.
Base sa taho sa kapulisan, may warrant of arrest ang akusado nga giisyu niadtong Hulyo 15, 2009, ubos sa 11th Judicial Region RTC Branch 28 sa Lianga, Surigao del Sur.
Kasamtangan siyang nagdetenir sa kustodiya sa Cebu City Police Office ug ipresentar sa korte nga nag-isyu sa mando sa iyang pagdakop.
Si PCOL Enrico E. Figueroa, ang Acting City Director sa CCPO, midayeg sa ilang kapulisan tungod sa ilang walay puwas nga operasyon batok sa kriminalidad. Giingon niyang padayon ang ilang paningkamot sa pagdakop sa mga most wanted aron mapadayon ang kahapsay ug kalinaw sa Cebu City.
Ang kapulisan sa Sugbo nagpadayon sa ilang misyon nga “To Serve and Protect” ilawom sa kampanya sa Bagong Pilipinas.
Source: CCPO
I via Renante Socia Lada