Tiene ya nuevo asistente comandante de divison para de administracion y operaciones el 11th Infantry Division (11ID) base na provincia de Sulu. Ele si Brigadier General Christopher Tampus, quien ya asumi na puesto durante un ceremonia del Lunes na Kuta Heneral Teodulfo Bautista, Barangay Busbus, Jolo, Sulu.
Si Tampus ta releva con Brigadier General Alexei Musngi. Antes del su nuevo designacion, si Tampus ya servi como el comandante del 1103rd Infantry Brigade, uno del mga unidades bajo mando del 11ID.
Si Tampus ya expresa gratitud por el confiansa ya dale conele y ya rearifma su dedicacion na mision del 11ID. Si Major General Leonardo Peña, el comandante del 11ID, quien ya encabesa con el ceremonia del Lunes, ya enfatiza el vital papel de un mapuersa liderato para adelanta con exelencia operacional y eficiencia administrativo del mando. (B. Garcia)