Total de 105 anak de Olive Ridley turtuga el ya larga para na de ila habitat natural na provincia del Zamboanga del Sur, asegun con el oficina regional del Departamento de Medio Ambiente y Recursos naturals, o DENR.
Asegun con el DENR-Zamboanga Peninsula, con el mga anak de turtuga ya larga para na de ila habitat natural del otro semana na Barangay Patawag, Liloy, Zamboanga del Norte.
Asegun con el DENR, el largada del mga anak de turtuga es un esfuerzo colaborativo del mga oficiales del Barangay Patawag, el comunidad local y Oficina Comunitaria de Medio Ambiente y Recursos Naturals para suporta conservacon marina.
Asegun con el DENR, con el mga anak del turtuga ya discubri na establisao Marine Turtle Hatchery and Rescue Center na lugar si Josepeto Amorganda, un miembro del Bantay Dagat.
Asegun con el DENR, el especie de Olive Ridely turtuga clasificao como en peligro de extinction.
Este estado ta enfatiza el necesidad para el proteccion y conservacion del especie de turtuga que ta continua enfrenta amenaso desde el perdicion de habitat, cambio de clima, y actividades humano como el cogida y ilegal pescada. (B. Garcia)Â