Total de 1,183 residentes el ya beneficia na mision humanitaria por medio del conducida del caravana de salud na ciudad de Zamboanga, asegun con el oficina de informacion publico del gobierno local del Jueves.
El caravana de salud ya conduci el Philippine Red Cross-Zamboanga Chapter en colaboracion con el gobierno local.
El caravana de salud ya conduci del Miercoles na escuela secundaria nacional del Barangay Vitali.
El servicios que ya beneficia mga residentes de Vitali durante el caravana de salud ya inclui consultacion de salud con libre medicinas, lecturas de salud, libre chekiada de ojos, kitada de verruga, y tipificacion de sangre.
El mga beneficiarios ya recivi tamen comidas calientes cortesia del un conocido restaurante y libre cortada de pelo courtesia del Marine Battalion Landing Team-11 y autoridad de educacion tecnica y desarollo de habilidades o TESDA.
Asegun con el oficina de informacion publico del gobierno local el caravana de salud ta visita na diferente barangay ofreciendo numerosas servicios de salud con mga residentes indigentes. (B. Garcia)