Once personas, incluido seis menor de edad, el ya iri por causa na usada de rebentador durante el visperas y celebracion del año nuevo este año aqui na ciudad, asegun con el policia local del Lunes.
Asegun con el policia local, con el mga victima ya sufri quemadura y irida na mano y na pierna por causa na rebentada de rebentador.
El policia ya habla cay despues del curada medical, ya puede bolbe el mga victima na de ila cada’y cual residencia.
El sinco victima tiene el edad de 26, 19, 30, 24, y 37 y el maga menor de edad compuesto de dos de 12 años y el losdemas tiene el edad de 8, 12, 13, 16, y 17 y todo sila mga hombre.
Asegun con el policia, rebentada de piccolo y triangulo el causa del irida del mga victima.
El piccolo y triangulo incluido na lista del mga prohibido clase de rebentador. (B. Garcia)