Total de 108 Former Violent Extremists (FVEs) el ya recivi enpaquetao comida por medio del programa del Department of Social Welfare and Development (DSWD) Peace and Development Buong Bansa Mapayapa, marcando un significancia paso para na de ila reintegracion y suporta, asegun con el militar del Martes.
Asegun con el 4th Civil Relations Group (4CRG), el distribucion del comida enpaquetao ya hace del Viernes na gimnasio del Barangay Matatal, Maimbung, Sulu
Asegun con el 4CRG, con el actividad activamente ya participa mga personajes del 1101st Infantry Brigade bajo el liderato de Brigadier General Mario Jacinto.
El 4CRG ya habla, el distribucion del enpaquetao comida ya facilita el 41st Infantry Battalion que ta encabesa si Tiniente Coronel Genesis Grabrido.
El 4CRG ya habla, el distribucion ya hace en colaboracion con el gobierno municipal del Maimbung, de Sheik Abdurahman Alhari desde’l Sulu Ulama of Peace and Development Council y Ahmad Maher Salim, representante del Philippine Statistics Authority-Sulu.
“Este esfuerzos tiene objetivo establece un estructura de consolidacion de paz y fomenta el desarollo de un bien suporta pacifico comunidad na Sulu, como parte del un gran iniciativa para el hacida del paz comunitaria y sostenible desarollo,” el 4CRG ya habla na un anuncio. (B. Garcia)Â