El Philippine Army ya instola nuevo comandante na 101st Infantry Brigade base na provincia de Basilan.
El nuevo comandante del 101st Infantry Brigade amo si Brigadier General Alvun Luzon, quien ya releva con Colonel Frederick Sales.
Si Sales quien ya sirvi como interino comandante del 101st Infantry Brigade por cuantos meses ay esta como el diputado del mencionao mando.
El ceremonya del cambio de liderato ya ase del Agosto 1 y ya encabesa si Major General Antonio Nafarrete, el comandante del 1st Infantry Division.
Si Luzon ya habla cay ase le todo manera para el buen servicio con el mga Basileños.
Antes su nuevo designacion, si Luzon ya sirvi na diferente mando del fuersa militar na diferente parte del pais.
Si Luzon y si Sales man classmate na Philippine Military Academy del 1994. (B. Garcia, photo courtesy of 101st Infantry Brigade)