Matapos idtong Second Case Conference niato sa kaso ni Roselle, nakaulay ta an satong mga Barangay Kapitan asin mga Chief Tanod kun sain pigheras niato an mga pigpaarabot satong mga reports na ginagamit an mga menor de edad sa mga krimen arog kan panghahabon sa pirang lugar sa Syudad. Igwa man nin mga beses na may reports nin mga insidente nin kariribukan na an mga imbwelto mga kaakian sa komunidad.
Tanganing, dai na ini maglangkaba pa, dangan para sa saindang seguridad na dagos, pigsugo niato an Naga City Police Office, Public Safety Office, mga kapitanes kan barangay asin mga tanod na istriktong ipautob an CURFEW ORDINANCE.
Nin huli kaini, nagsasarig kita na mayo nguna dapat nin menor de edad na nagbabarasaybasay sa luwas kan saindang mga harong o natad puon alas 10 nin banggi sagkod alas 4 nin aga.
(Source: Naga City Government)