El 100th Infantry Battalion (100IB) en colaboracion con el Ministerio de Servicio Social y Desarollo (MSSD) ya conduci dos dias operacion de articulos de socorro na provindia de Sulu, asegun con el militar del Domingo.
Asegun con el 4th Civil Relations Group (4CRG), el operacion de articulos de socorro ya conduci desde Jueves hasta Viernes na municipio del Indanan, Sulu.
Asegun con el 4CRG, el operacion dirigido na mas impobrecido residentes del 18 barangay del Indanan, distribuido dos sacos de 25-kilo arroz y omento comestibles cada beneficiario.
Asegun con el 4CRG, el coordinao esfuerzo ya asegura cay mga suministros esenciales ya alcanza con aquellos bien necesita, descantando el promesa del comunidad para suporta con el miembros vulnerable.
Asegun con el 4CRG, el esfuerzo colaborativo ta ejemplica el en curso dedicacion del autoridades local y unidades militar para dale critical ayuda y mejora el estado de condiciones de vida del mga segmentos mas pobres del populacion. (B. Garcia)