El gobierno municipal del Omar, Sulu, en colaboracion con el 101st Infantry Battalion (101IB) exitosamente ya aloja con el tres dias inaugural Sajatira Youth for Peace Leadership Summit, asegun con el 4th Civil Relations Group (4CRG) del Domingo.
Asegun con el 4CRG, el actividad ya conduci desde Julio 31 hasta Agosto 2 na quartel del 101IB na Barangay Lahing-Lahing, Omar, Sulu.
Asegun con el 4CRG, con el actividad ya particpa total de 78 lideres de estudiantes y jovenes desde’l diferentes barangay na municipio del Omar.
Asegun con el 4CRG, el hunta dirigido para ensenia con mga jovenes con especial habilidades de liderato y sabidoria para queda efectivo lideres, responsable ciudadanos y defensores de paz y desarollo.
El 4CRG ya habla, el sesiones ya cubri muchos topicos como liderato, educacion de paz, seguridad, proteccion de medio ambiente, conciencia aserca de salud, mitigacion de pobresa y mal efecto del droga.
Si Brigadier General Giovanni Franza, el comandante del 1102nd Infantry Brigade, ya dale corage con mga participantes para realiza de ila potencial completo, hablando, “busca, desarolla, y logra el de ustedes completo potencial”.
El tres dias actividad tiene el tema “inspira, autoriza, dirigi: El liderato de joventud experiencia cumbre”. (B. Garcia)