Dies mga antes rebelde New People’s Army (NPA) el ya recivi ayuda financial bajo’l programa del Enhanced Comprehensive Local Integration Program (ECLIP) del gobierno, asegun con el militar del Lunes.
Asegun con el 97th Infantry Battalion (IB), con el ayuda financial ya distribuji con mga antes rebelde NPA, y ahora nombrao como mga salvao amigos (friends rescued), durante el junta del Viernes del Regional Task Force to End Local Communist Armed Conflict na Ipil, Zamboanga Sibugay.
Asegun con el militar, cada uno del mga beneficiarios ya recivi P15,000 imidietamente ayuda y P50,000 ayuda de busca la vida.
Asegun con el militar, el distribucion de ayuda es parte del esfuerzo del gobierno para dale suporta y opotunidad con mga salvao amigos para principia otravez y guia un productivo vida por medio del programa ECLIP.
El objetivo del gobierno para dale el necesario ayuda con el mga salvao amigos quien ya escuji bira otravez na poder del ley y contribui na paz y desarollo del de aton comunidades.
Na total de 10 beneficiarios, ocho de ila el bajo el poder del 97IB y dos del 53IB. (B. Garcia)