Dos atletas Zamboangueños el ya lleba honor con el ciudad de Zamboanga na reciente competicion internacional de deportes.
Si Dr. Cecil Atilano, el jefe del oficina de deportes del ciudad, ya nombra con el dos atleta Zamboangueños como canda Noel Alabata y si Rudzma Abubakar.
Asegun con Atilano, canda Alabata y Abubakar ya gana medalla de plata na categoria de Mai Muay na reciente concluido 2024 International Federation of Muaythai Associations (IFMA) que ya hace na Patras, Greece.
Asegun con Atilano, el evento ya conduci desde’l Mayo 31 hasta Junio 6, este año.
Si Atilano ya habla, el 2024 IFMA Senior World Championship es un prestigioso evento y ya participa el 1,500 Muay Thai boxers, coaches y staff desde mas de 80 naciones que miembro de IFMA na entero mundo. (B. Garcia)