Un trabajante de construccion el ya iri na un incidente de tiroteo aqui na ciudad de Zamboanga, asegun con el policia del Jueves.
Asegun con el policia local, el incidente ya ocuri mga alas 8:51 del Miercoles denoche na Barangay Sangali, en este ciudad.
El policia local ya nombra lang con el victima como si alias Kiki, un residente de Barangay Sangali.
Base na inicial investigacion, sintao na un tienda el victima y ta espera con su esposa cuando ya tira conele un el desconocido persona quien ya abaja na un motorciclo que ya para enfrente na tienda.
Con el victima ya lleva na hospital mientras el suspechao enseguidas ya escapa despues del incidente.
El Zamboanga City Police Station 3 ta continua el investigacion para determina el motivo y identifica con el suspechao del incidente. (B. Garcia)